This article has words
Reading time is around minutes.
Reading time is around minutes.
مهبول وعمل ثورة
قام في ليلة بلاش قمرة
نحى حوايجو وهبط يعوم
يلوج على صحابو النجوم
الي طيرو من عينيه النوم
مهبول وعمل ثورة
عمل نقبة في السماء
وحرق دارو ودار الجيران
وما زال يلوج على البلاء
ما دامو راقد جيعان
مهبول وعمل ثورة
بهلول قطوس يصطاد لربي
طرشق على قد ما قلبو معبي
وقت الي عرى الحقيقة
طلبو منو ستر العورة
مهبول وعمل ثورة
حشى راسو في مغاغر الهمج
خماسة الظلم والعوج
كي نطق خيطولو فمو
وباعوه عريان لبن عمو
Comments powered by CComment