Reading time is around minutes.
وقت الي ممو العين
دمو يجري في التراب سواقي
باش يعيش فيها الدون
ويدور الدولاب الممحون
وقت اللي الحشمة تتلاشى
في عين الزوالي والباشا
ويقوم ظلام الليل
وتزيد وجيعة العليل
وقت الباهي يولي مهبول
وبياع الزطلة دلول
وقت الي يخافو ربي
ما تلقاهم كان في الجبانة
والناس كالبة تعبي
والعاهرة تولي فنانة
شنوه بقى في ها الدنيا المسكونة
كان الخلاء في القلوب الممكونة
بكلنا ماشين ماشين
لا للبرازيل ولا للفيليبين
لهاك الثنية ماضين
موش على كيفنا
ولا على كيف الي قدرنا
ولا على كيف الي باعنا
ولا على كيف الي مسهرنا
ولا يبقى في الواد
لا حجر ولا عباد
يصب بكله في البحر
ناسي شنوه الي حلو
وشنوه الي مر
ولا تبقى خليلة ولا صحاب
كان ليعة الدنيا والعذاب
وكان ما جاش غدوه قريب
تلقى فيه النوار والحبيب
وكان ما جاش الي طالع هابط
وسي فلان يولي صلاح صبابط
راهو بنادم تسحر بغدوة و اليومة
وما ترى في خيالو كان العظومة
هذا هو خيال الحقيقة
الي ننساوه في كل دقيقة
Comments powered by CComment